Fiire mit dem Samichlaus
Liebi Goofe und liebi Eltere me begrüssed eu ganz herzlich zu ösere Fiir mit de Chliine. Schö sönd e hüt alli cho, freut ös riesig.
Am heilige Nikolaus vedanked me, dass de Samichlaus am 6. Dezember zu ös chunt, und ös Nüss und Mandarinli bringt. Me wend eu hüt gern Gschicht vom heilige Nikolaus vezölle.
Weitere Bilder in der Fotogalerie
Vo lange Zit, epä oms Johr 270, ischt a de südliche Küschte vo Chli-Asien i de Hafestadt Patras en Bueb gebore. Er hät de Name Nikolaus öbecho. De Name bedüted: der wos Böse besiegt ond Guet‘s tuet.
D’Mama ond de Papa vo ehm sönd riichi, aber au frommi Chauf-Lüüt.
Ehrä isches wichtig, dass viel tüend betä ond sie hölfid de aame Lüüt wos chönid. Das hend’s au ehren Sohn glehnt, wie me cha guets tue ond de aame Lüüt i de Stadt cha hölfe.
Als junge Maa wet de Nikolaus scho Pfarrer. Choz drufabi stebid sini Mama ond de Papa ond höndelönd em Nikolaus e grosses Vemöge. ( wessid ehr was e Vemöge ischt? Viel Göld, e Huus , ode en Goldring ) ond da als köht jetz em Nikolaus.Abe er bhalted da Vemöge nüd gaaz elee fö sich, sondern e täält alls mit de Aame Lüüt.
